ឯកឧត្តម អាយ ខន អនុប្រធានគណៈកម្មការនីតិកម្ម និងយុត្តិធម៌ នៃព្រឹទ្ធសភា(គណៈកម្មការទី៦) និងព្រះអង្គម្ចាស់ ស៊ីសុវត្ថិ ធម្មិកោ សមាជិកគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា(គណៈកម្មការទី៣) បានអញ្ជើញចូលរួមសិក្ខាសាលាសហប្រតិបត្តិការអន្តរសភាថ្នាក់តំបន់ស្តីពី «គោលនយោបាយអាកាសធាតុ» ដែលប្រព្រឹត្តទៅនៅថ្ងៃទី៧-៨ ខែឧសភា ឆ្នាំ២០២៥ នៅព្រះរាជាណាចក្រថៃ។
ដោយមានសមាសភាពអញ្ជើញចូលរួមពីសមាជិកសភាមកពីតំណាងប្រទេស កម្ពុជា ឡាវ ថៃ និងវៀតណាម ដើម្បី៖ ១.ពិភាក្សាលើច្បាប់ស្តីពីការប្រែប្រួលអាកាសធាតុ ២.ចែករំលែកបទពិសោធន៍ជាមួយសមាជិកសភាមកពីប្រទេសដែលមានច្បាប់អាកាសធាតុរួចហើយ និង៣.រួចគ្នាតាក់តែងមាត្រានៃច្បាប់អាកាសធាតុជាតិនាពេលអនាគត ដែលគិតគូពីលក្ខណៈតំបន់ និងមូលដ្ឋាននៃប្រទេសនីមួយៗ ពិសេសលើការគ្រប់គ្រងបញ្ហា “ខ្យល់បរិសុទ្ធ-Clear Air” នុងការពង្រឹងភាពធន់នៃអាកាសធាតុ។
